09-Feb-2022 لیکھنی کی کہانی غزل
🌹🌹🌹🌹 آئنہ 🌹🌹🌹🌹
کمیاں مری بتاتا ہے اچھا ہے آئنہ۔
سچ بولتا ہے اس لۓ سچّا ہے آئنہ۔
ہر زاویہ سے ان کو ہی تکتا ہے آئنہ۔
ان کی ہر ایک بات پہ شیدا ہے آئنہ۔
رکھتا نہیں ہے دل میں دبا کر کسی کی بات۔
خامی سبھی کی منھ پہ بتاتا ہے آئنہ۔
احساس اُن کو اُن کی خطا کا کرا دیا۔
اتنی ذرا سی بات پہ ٹوٹا ہے آئنہ۔
اُس کو سنوار دے گا یقینً یہ ایک دن۔
جس نے سجا کے طاق میں رکّھا ہے آئنہ۔
تا دیر پہلے تپتا ہے بھٹّی میں دوستو۔
تب جا کے کوئی دیکھۓ بنتا ہے آئنہ۔
کچھ لوگ کہہ رہے ہیں بہت سوچ کر فراز۔
سیدھا نہیں ہے دیکھۓ الٹا ہے آئنہ۔
سرفراز حسین فراز پیپل سانہ مرادآباد۔
🌹🌹🌹🌹🌹🌹🌹🌹🌹
asma saba khwaj
09-Feb-2022 02:54 PM
Bhut khoob
Reply
Dr. SAGHEER AHMAD SIDDIQUI
09-Feb-2022 09:02 AM
Bahut achcha likha hai aapne sir
Reply
Sarfaraz
09-Feb-2022 11:11 AM
شکریہ
Reply
Sarfaraz
09-Feb-2022 12:02 AM
شکریہ
Reply